Елімізде жаңа өндіріс ашылды

1153

ҚР Премьер-министрі Асқар Мамин «Қазақстан ASELSAN инжиниринг» ЖШС қорғаныс өнеркәсібі кәсіпорнына барды, кәсіпорын пандемия жағдайында өкпені жасанды желдету (ӨЖЖ) стационарлық аппараттарының өндірісін ұйымдастырған деп хабарлайды, Primeminister.kz сайты.

Бұл аппарат емдеу мекемелерінде, жансақтау және қарқынды терапия бөлімдерінде ересектер мен балалардың өкпесін ұзақ уақыт бойы желдетуге арналған. ӨЖЖ аппараты ҚР Денсаулықсақтау министрлігінің талаптарына сай келеді және Нұр-Сұлтан қаласындағы көп салалыжұқпалы аурулар орталығында сәтті сынақтан өтіп, медицина мамандарының оң сараптамалыққорытындысын алған. Бүгінгі таңда жергіліктендіру деңгейін 30%-ға дейін жеткізу, оны 50% және одан да көп пайызға ұлғайту перспективасымен ӨЖЖ аппараттарын өндірістік құрастырумәселесі жүзеге асырылып жатыр.

Өндірістік цикл кезеңінде жергіліктендіру деңгейі «Қазақстан ASELSAN инжиниринг» ЖШС-ның заманауи технологиялық жабдықтармен жабдықталуының және электронды, радиоэлектронды және оптикалық приборлар саласындағы инженерлік-техникалық персоналдың құзыретінің жоғарылығының арқасында артатын болады. ӨЖЖ аппараттары өндірісіне ҚР басқа да қорғаныс саласы кәсіпорындарының технологиялық әлеуеті тартылған.

Денсаулық сақтау министрлігінің жөнелтуге рұқсаты бойынша ӨЖЖ аппараттары биыл қыркүйек-қазан айларында еліміздің барлық өңірлері бойынша медицина мекемелеріне 1500 дана көлемінде жеткізілетін болады. ӨЖЖ аппараттарын құрастырумен қатар кәсіпорынның инженерлік-техникалық персоналы емдеу мекемелеріндегі медицина қызметкерлерінің оқытылуын қамтамасыз етеді, сондай-ақ 24/7 режимінде техникалық қолдауды жүзеге асырады. Кәсіпорындарға 3 жыл бойы кепілдік бойынша қызмет көрсету мерзімі ұсынылады.

Үкімет басшысы өндіріспен танысып, еліміздің медицина мекемелеріне өнімдерді уақытылыжеткізуді қамтамасыз етуді тапсырды. «Қазақстан Аселсан инжиниринг» ЖШС өндірістік алаңын аралауға Премьер-Министрдің орынбасары Р.Скляр, Индустрия және инфрақұрылымдық даму министрі Б.Атамқұлов, Денсаулық сақтау министрі А. Цой және Нұр-Сұлтан қаласының әкімі А.Көлгінов қатысты.

 

«Адырна» ұлттық порталы

 

Пікірлер
Редакция таңдауы