Шымкент: 6 айда индустриялық аймақтардан 1,3 млрд теңге көлемінде салық түскен

2529
Adyrna.kz Telegram
https://adyrna.kz/content/uploads/2020/08/e4378e3e-d23c-4e30-b554-640cdfd5d6d9.jpeg
Аумағы 426 га жерді құрайтын Шымкент қаласындағы «Оңтүстік» және «Тассай» индустриялық аймақтарынан биылғы жылдың қаңтар-мамыр айлары аралығында қазынаға 1,3 млрд.теңге салық түскен. Бұл туралы кәсіпкерлік және индустриялды-инновациялық даму басқармасының басшысы Береке Дүйсебеков ақпараттық-коммуникациялық орталықта өткен брифингте баяндады. Оның айтуынша, индустриялды аймақтарда құны 126,7 млрд.теңгені құрайтын 124 жоба жүзеге асырылып жатыр екен. Нәтижесінде 6 мыңнан аса тұрғын жұмысқа тартылады. Оның ішінде 70,9 млрд.теңгеге 84 жоба іске қосылып, соның арқасында 4 мыңнан аса жұмыс орны құрылыпты. Сонымен қатар, осы жылдың 1 тоқсаны бойынша «Оңтүстік» және «Тассай» индустриялық аймақтарында 6 млрд.теңгенің өнімі өндіріліп, экспортқа шыққан өнім құны 1,9 млрд.теңгені құрап отыр.

Шымкент қаласы әкімінің баспасөз қызметі

Комментарии