24-26 маусым күндері Грузияның Батуми қаласында Годзю-рю Каратеден Еуропа чемпионаты өтті.
Қаржылық қиындықтарға байланысты толық құрамда қатыса алмаса да, каратешілеріміз 2 алтын, 3 күміс, 3 қола медаль иеленіп, олжамен оралды.
Жиырма шақты елден жиналған 600-ге тарта спортшылар қатысқан ірі жарысқа қатысып, мұндай олжамен оралу - құрметке лайық.
Жарыстың алғашқы күнінде біздің команда 1 алтын, 1 күміс, бір қола медаль ұтса, екінші күні жалпы медаль санын 8-ге жеткізді (2 алтын, 3 күміс, 3 қола).
Атап айтар болсақ, ирикуми-дзю нұсқасында 63 кг жастар арасында Қалжан Мирас алтын медаль иеленсе, ересектер арасында осы салмақта финалда екі қазақстандық - Несіпбек Бақтияр мен Есенжол Аманжол кездесті. Нәтижесінде, Аманжол Бақтиярға жекпе-жексіз жолын берді. победу без борьбы.
69 кг салмақта - Нұраддин Садықов – күміс медаль алса, Жасулан Даулеткалиев қола медальді иеленді.
Ирикуми-го бағдарламасында 63 кг ересектер арасында Несіпбек Бақтияр финалда 3 раундқа созылған жекпе-жекте жеңісті төрешілер литвалық қарсыласына берді. Осы бағдарламада Калжан Мирас және ката бағдарламасында Нураддин Садыков қола медаль иеленді.
Ермек Абаков,
вице-президент Федерации Годзю-рю Карате-до РК
