Үздік поэзия: Отан деп отқа өртеуге салдым бәрін..

518

Отан деп отқа өртеуге салдым бәрін,

Жоқ бүгін көкорайлы шалғындарың.

Әйтеуір үлкен тойың қарсаңында

Жайнайды менің-дағы бал-бұл жаным!

 

Жалаңаш Ордаң да әне, көрінуде,

Жүдеген Шыңғысыңның төрі мүлде.

Болмайды баяғыдай, жаңартқанмен

Ақшоқын, Жидебайың, Бөрілерің де.

 

Жеріңнің төсі түгел найзаланған,

Тау-тасың үгітілген, майдаланған.

Қырғыны қырық жылғы аз болғандай,

Қос бомба қайда қалған, қайда қалған..?!

 

Бәрі де әлі жұмбақ, жасырады,

Үреймен аяқталар ғасыр әлі.

Әйтеуір бір сәт бәрін ұмытармыз,

Абайдың шырқалғанда асыл әні!

 

Жамбыл ауданы,

Есіл АЙДАРБЕК

Пікірлер
Редакция таңдауы