Əліпбидің жетілдірілген нұсқасы "Тіл қазына" орталығының отырысында талқыланды

1979
Adyrna.kz Telegram

Қазақстан Республикасы Мәдениет және спорт министрлігі Тіл саясаты комитетініңұйымдастыруымен 2020 жылғы 22 шілде сағат 15.00-де Қазақ тілі әліпбиін латын графикасына көшіру жөніндегі Ұлттық комиссия жанындағы Орфографиялық жұмыс тобының кезекті отырысы онлайн жүйесінде өткізілді.

Бұл ғылыми жиын «Қазақ тілі әліпбиін латын графикасына 2025 жылға дейінгі кезең-кезеңімен көшіру жөніндегі іс-шаралар жоспары» аясында ұйымдастырылды.

Отырыс ҚР Мәдениет және спорт вице-министрі, Орфографиялық жұмыс тобының төрағасы Н.М.Дәуешовтің төрағалығымен өтті.  ҚР Білім және ғылым министрлігі Ғылым комитетінің төрағасы Ж.Д.Құрманғалиева қатысып, жаңа әліпбиді енгізу мәселелері бойынша сөз сөйледі.

Модератор – ҚР Мәдениет және спорт министрлігі Тіл саясаты комитеті төрағасының міндетін атқарушы, Орфографиялық жұмыс тобының мүшесі Ә.К.Қабаев.

Отырысқа Орфографиялық жұмыс тобыныңқұрамындағы А.Байтұрсынұлы атындағы Тіл білімі институтының, Абай атындағы Қазақ ұлттық педагогикалық, Назарбаев, Л.Н.Гумилев атындағы Еуразия ұлттық, Е.А.Бөкетов атындағы Қарағанды мемлекеттік, Павлодар мемлекеттік педагогикалықуниверситеттерінің және Ш.Шаяхметов атындағы«Тіл-Қазына» ұлттық ғылыми-практикалық орталығының ғалымдарынан тұратын жұмыс тобының мүшелері қатысты.

Әліпбиді жетілдіру жұмыстарының барысы туралы ҚР Мәдениет және спорт министрлігі Тіл саясаты комитеті төрағасының орынбасары, Орфографиялық жұмыс тобының мүшесі Ә.К.Қабаев негізгі баяндама жасады. Ол өз баяндамасында Министрлік тарапынан жаңа әліпбиді қабылдауға байланысты жұмыстардың мақсаты, нәтижесі жөнінде толық ақпарат берді. Сонымен бірге алда тұрған міндеттер жөнінде де баяндады.

Әліпбидің жетілдірілген нұсқасының жобасы Ахмет Байтұрсынұлы атындағы Тіл білімі институтының және Ш.Шаяхметов атындағы «Тіл-Қазына» ұлттық ғылыми-практикалық орталығының ғылыми кеңестерінде талқыланып, Орфографиялық жұмыс тобының қарауына ұсынылған. Отырыста осы жобалар жұмыс тобы мүшелері тарапынан кеңінен талқыланды.Ғалымдардың ұсыныстары мен пікірлері тыңдалды.

Күн тәртібінде, сондай-ақ, қазақ тілінің емле ережелері бойынша А.Байтұрсынұлы атындағы Тіл білімі институтының директоры, филология ғылымдарының кандидаты А.Фазылжановабаяндама жасады. Әліпби жобаларының ІТ бағдарламаларға сәйкестігі бойынша Ұлттық комиссия жанындағы Техникалық және ақпараттықсүйемелдеу жөніндегі жұмыс тобының мүшесі, ІТ маманы Р.Ізғали баяндама жасады.

Ұлттық комиссия жанындағы Орфографиялық жұмыс тобының мүшелері осы ғылыми жиында талқылап, қолдаған латын әліпбиінің жобасы Ұлттық комиссияға жіберілетін болып шешілді. Сонымен бірге емле ережелерін жұмыс тобы мүшелері тағы да пысықтап, аталған комиссияға ұсынатын болды.

 

Адырна ұлттық порталы

Пікірлер