Алыпсатардан 17 мыңға жуық медициналық маска табылды (видео)

1712

9 маусымда «Нұр Сұлтан» теміржол вокзалының автотұрағында жедел-іздестіру шараларын жүргізу барысында Көлік полициясының қызметкерлері заңсыз кәсіпкерлікке қатысы бар деген күдікпен ер адамды ұстады. Олар ер адамның көлігінен 17 мыңға жуық маска тәркіледі. 

Көлік полициясы басқармасы бастығының орынбасары Нұржан Әлібаевтың айтуынша, маскалардың нақты саны  – 16 950 дана, бағасы 728 850 теңге.

Ұсталған адам масканы одан әрі сату үшін жарнама сайты арқылы алғандығын айтады.

Қазіргі уақытта ұсталған адамға қатысты заңнамаға сәйкес оны жауапкершілікке тарту туралы шешім қабылдануда. Әзірге нақты қандай жауапкершілік туралы айтылмады.

Естеріңізде сала кетейік, алғашқы карантин кезінде осындай заңсыз кәсіппкен айналысқан Алматы қаласының бірнеше алыпсатары ұсталған.

Пікірлер
Редакция таңдауы