НҰР-СҰЛТАН. ҚазАқпарат - Smart Astana мобильді қосымшасында «Дәрілерді іздеу» сервисі іске қосылды. Бұл туралы Нұр-Сұлтан қаласы әкімінің орынбасары Малика Бектұрова Telegram парақшасында жазды, деп хабарлайды ҚазАқпарат тілшісі. «Дәрілік препараттарды іздеуді жеңілдету үшін Smart Astana мобильді қосымшасында «Дәрілерді іздеу» сервисі іске қосылды. «Медицина» бөлімінде «Дәрілер i-teka» белгішесін шертіп, әрі қарай өзіңізге керек дәрінің атауын жазу керек. Жүйе бұл дәрі сатылатын дәріханалардың тізімін шығарып береді», - деді ол.
