Путин: Совет Одағы республикалары Ресей жерін ірі көлемде иемденді

2465

Ресей президенті Владимир Путин жексенбі 21 маусым күні “Россия 1” телеарнасынан жарық көрген бағдарламада Совет Одағы құрылғанда оның құрамына кірген республикалар “Ресей жерін ірі көлемде иемденді” деді.

“Совет Одағын құру туралы келісімде шығу құқығы жазылған. Бірақ [шығудың] тәртібі жазылмағандықтан, бір сұрақ туындайды. Егер қандай да бір республика Совет Одағына кіріп, бірақ өз қоржынына Ресей жерінің, дәстүрлі-тарихи территориясының ірі көлемін алып, одақ құрамынан шығамын деп шешті. Олай болса, немен келдің, сонымен шығуың керек қой, Ресей халқының сыйлығын өзімен бірге әкетпей. Осының бәрі жазылмаған еді. Мен қазіргі Конституцияға өзгеріс енгізудің дұрыс екеніне әбден сенімдімін” деді Ресей президенті “Мәскеу. Путин. Кремль” бағдарламасында.

Путин нақты қай республиканы немесе қандай территорияны меңзегенін айтпады. Бірақ әлеуметтік желілердің Қазақстан сегментінде Ресей президентінің бұл сөзі алаң тудырды.

"Азаттық" радиосы

Пікірлер
Редакция таңдауы