Үлкен Алматы көлі, Алмарасан, Ассы, Есік жекеменшікке өтті

12623
Adyrna.kz Telegram
Қазақстанның ұлттық табиғи байлығы саналатын “Іле–Алатау мемлекеттік ұлттық табиғи паркіне” қарайтын Алмарасан, Үлкен Алматы көлі, Ассы үстірті, Есік және Солдат шатқалдары және тағы басқа ұлттық паркке қарайтын табиғат байлықтары “КУЛТАУ И К” ЖШС 49 жылға жекенменшікке жалға берілген. Бұл туралы “Іле–Алатау мемлекеттік ұлттық табиғи паркінің” ресми сайтында жазылды.

“Орман шаруашылығы және жануарлар дүниесі комитеті ҚР ЭГжТРМ  “Іле–Алатау мемлекеттік ұлттық табиғи паркі” РММ 2020 жылдың 13 наурызында өзара байланысты туристік объектілер кешенін ұсынатын № 1 лот бойынша экологиялық туризмді дамыту мақсатында туристік және рекреациялық қызметті жүзеге асыру үшін ұлттық парк учаскелерін ұзақ мерзімді пайдалануға беруге тендер өткізді. Бұл ақпарат қыста Егемен Қазақстан газетіне де шыққан болатын. (2020 жылдың 12 ақпанындағы № 29 (29758) Егемен Қазақстан ).

Тендер комиссиясының шешімі бойынша №1 лоттың жеңімпазы болып жалғыз қатысушы «КУЛТАУ и К» ЖШС жарияланды” делінген.

Интернетте «КУЛТАУ и К» ЖШС 5 адамға дейін жұмыс істейтін, 2004 жылы тіркелген кішігірім ұйым деп көрсетілген. Ұйым басшысы – Гужавин Александр Олегович. Бұл адам сондай-ақ, көтерме саудамен айналысатын “АС-АЛТЫН” ЖШС-ның да басшысы ретінде көрсетілген.

Ал, «КУЛТАУ и К» ЖШС 49 жылға жалға алған ұлттық парк телімдерінде экотуризмді дамытпақ көрінеді.

Р.S. Құрамында 5-ақ адам істейтін кішігірім ұйым қалайша Іле-Алатауы ұлттық табиғи паркінің ең шұрайлы, көрікті жерлерін жалға алды? Қорықтың флорасы мен фаунасынан айырылып қалмаймыз ба?

"Адырна" ұлттық порталы

Пікірлер