Атырау облысында Covid-19 індетінің  24 жаңа жағдайы тіркелді

Атап айтқанда, олардың арасындағы 20 науқас Теңіз кенішінің жұмысшылары.  Олар Теңіз кен орнынан шығар алдында скринингтен өткен қызметкерлер.

-    Инфекцияның тағы төрт жағдайының   жаңа ошықтары анықталды. Коронавирус инфекциясы 1988 жылғы Мақат ауданының тұрғыны,  Құлсарыауданының екі тұрғыны -  1993 жылғы  әйел мен  1976 жылы туған ер адамда  расталды. Сондай-ақ,  Құрманғазы ауданының 1999 жылғы  тұрғыны да дертке шалдықты,- деді Жедел штаб.
-
Қауіпті дертке шалдыққандардың барлығы инфекциялық стационарға жатқызылды, олар тиісті хаттамаға  сәйкес ем алады.

 Қазіргі уақытта инфекция ошақтарына дезинфекция жұмыстары жүргізілуде.  Сондай-ақ, науқастармен байланыста болған адамдар анықталып, дәрігерлердің бақылауына алынды.

Осылайша, Атырау облысында  қауіпті дертке шалдыққандар  саны  813  адамға жетті.  Ал,  коронавирустан айыққандар саны - 203.