Қазақстандық әнші Марат Омаровтың анасы Сұлухан Сұлтанова Шымкентте 96 жасқа қараған шағында өмірден өтті. Бұл туралы Sputnik хабарлады.
Белгілі қазақ әншісі Марат Омаров анасы Сұлухан Сұлтанова дүниеден озды.
Омаровтың айтуынша, Сұлухан Сұлтанова Шымкентте 96 жасқа қараған шағында қайтыс болды.
"Ол Шымкентте тұрды. Мен қазір осы қаладамын. Анам инсульттан қайтыс болды. Жерлеу рәсімі ертең, 10 мамырда өтеді", - деді Марат Омаров Sputnik Қазақстан тілшісіне.
Қазақстандық жұлдыз халыққа "Анашым" әнімен танылған еді. Айтуынша, ол әнді өз анасы Сұлухан Сұлтановаға арнаған. Туындыда "Анасы бар адамдар ешқашан қартаймайды" деген өлең жолдары бар.
