Амманда өтіп жатқан Токио Олимпиадасына Азия және Мұхит жағалаулары елдері арасындағы іріктеу турнирі шешуші кезеңіне жақындады. Бүгін ширек финалдық жекпе-жектер басталды. 69 келі салмақ бойынша Абылайхан Жүсіпов Таиланд боксшысы Вуттичай Масукпен кездесіп, жеңіске жетті деп хабарлайды adyrna.kz.
Алаң төріне көтеріле сала сәтті шабуылдар бастаған Абылайхан өзінің тәжірибелі, мықты боксшы екенін дәлелдеді. Ширақ қимылдары мен техникалық шеберлігін сәтті көрсеете білді. Төрешілер шешімі бойынша есеп – 5:0 (30:27, 29:28, 30:27, 30:27, 29:28).
Сөйтіп, абылайхан Қазақстан Ұлттық құрамасы бойынша Токио Олимпиадасының лицензиясына бірінші болып қол жеткізді.
Ұларбек Дәлейұлы,
"Адырна"ұлттық порталы
