Қақтығыстан кейінгі Қордай (видео)

3575
Adyrna.kz Telegram

Жамбыл облысының Қордай ауданында туындаған тұрмыстық кикілжің жаппай тәртіпсіздікке ұласып 7 ақпанда Масаншы ауылында жанжал шығып, кейін төбелеске көрші Ауқатты және Бұлан батыр ауылдарынан келген тұрғындар қосылған. Екі жақ бір-біріне тас лақтырып, таяқпен ұрған. Тіпті, қару да қолданған. Қақтығыс салдарынан 10 адамның қаза болып, 40-тан астамы жарақат алғаны белгілі болды.

Қазақстан президенті Қасым-Жомарт Тоқаев тікелей эфирге шығып, мәлімдеме жасады. Ол қаза болғандардың отбасына көңіл айтып, зардап шеккендерге көмек көрсетілетінін айтты. Мемлекет басшысының тапсырмасымен үкімет комиссиясы құрылды.

Қордай ауданында болған оқиға кезінде 36 тұрғын үй, 11 коммерциялық нысан, 44 автокөлік өртеніп, 40-қа жуық үйдің терезелері қираған.  Кешелі бері ауылдардың ішін тазарту жұмыстарына 30 техника, 125 адам жұмылдырылған. Шығын көлемі есептеліп жатыр.

"Адырна" ұлттық порталы 

Пікірлер