Жуалы ауданының даму ауқымы жоғары (Фоторепартаж)

1891

Жуалы ауданында соңғы 9 айда 36 миллиард теңгенің өнімін өндіріп, ауқымды жетістікке жетті. Нақтырақ айтсақ бұл көрсеткіш өткен жылмен салыстырғанда 17,7  пайызға өскен. Сондай-ақ құрылыс саласы 9,8, мүйізді ірі қара 2,4, қой ешкі 3,6 пайызға артқан. Бұдан бөлек Жуалы ауданында туризмді дамыту үшін «Қараалма» тау-шаңғы кешені салынып жатыр. Бір сөзбен айтқанда ауданның әлеуметтік-экономикалық жағдайы жоғары болып отыр.

         

Жуалы ауданының қысы өзге аудандармен салыстырғанда қытымыр болып келеді. Сондықтан да аталған аудан қыс мезгіліне айрықша дайындалады. Аудандағы 561,2 шаршы шақырым жердің 58,1 шақырымы «ҚазАвтоЖол» РМК тиесілі.

         

Кәсіпкер Нұрила Мәлібекова 1956 жылы салынған ғимаратты 77 млн теңге жеңілдетілген несие алып, күрделі жұмыстарын жүргізген. Қазіргі таңда Nurai Plaza ғимаратында «Білімді ұрпақ» білім орталығын ашып, 300-ге жуық баланы оқытып жатыр. Сондай-ақ аталған орталықта 25 адам екі қоға бір күрек тауып отыр.

           

2011 жылы құрылған «Агроазық-түлік нанмен жабдықтау» ЖШС  биыл 1000 тонна мақсары майын өндіріпті. Тәулігіне 15 тоннаға жуық мақсары майын өндіріп отырған серіктестік 23 адамды тұрақты жұмыспен қамтып отыр.

         

«Көксайда» жоба құны 13,2 млн АҚШ доллары болатын «ҚазГидроОперейтинг» ЖШС-нің су электр стансасы салынып жатыр. Стансаның техникалық өндіріс басшысы Айтқали Орынбасаровтың айтуынша, қуаттылығы 18 МВт-ны құрайтын 5 жлектр стансасы бой көтермек.

«АДЫРНА»

ұлттық порталы

Пікірлер
Редакция таңдауы