Бұдан былай қазақстандықтар 5 күндік демалыс алып тұруға құқылы

400

Бес күнге созылатын әлеуметтік демалыстың ақысы төленеді. Егер жұмыс беруші демалыс беруден бас тартса, оған айыппұл салынады,-деп хабарлайды adyrna.kz ұлттық порталы.

Жұмыс берушілердің адамдардың денсаулығын сақтаудағы жауапкершілігін күшейту мақсатында қол астындағы қызметкерлеріне скринингтен өту үшін міндетті әлеуметтік демалыс беру көзделіп отыр. Жаңа норма "Халық денсаулығы және денсаулық сақтау жүйесі туралы" кодекс жобасында жазылған.

"Барлық азаматтың тегін скринингтен өтуге құқығы бар. Сондықтан жұмыс берушілер өз жұмысшыларына ақысы төленетін демалыс беруге міндетті. Егер әлеуметтік демалыс беруден бас тартса, онда жұмыс берушіге айыппұл салынады", - деді Біртанов мәжіліс кулуарында.

Егер жұмыс беруші әлеуметтік демалыс бермесе, қазақстандықтар еңбек және денсаулық сақтау министрліктеріндегі құзырлы органдарға шағымдана алады.

 

 

Пікірлер