13 маусымға қараған түні Израильдің Иранға жасаған әуе шабуылынан кейін, Израильдің бүкіл әлемдегі елшіліктері мен консулдықтары жабық, деп хабарлайды "Адырна" ұлттық порталы DW-ге сілтеме жасап.
Тиісті мәлімдеме Израильдің Берлиндегі елшілігінің ресми сайтында және өзге де елдердегі дипломатиялық сайттарда жарияланды.
«Соңғы оқиғаларды ескере отырып, Израильдің бүкіл әлемдегі дипломатиялық өкілдіктері жабық. Консулдық қызметтер уақытша көрсетілмейді», - делінген ресми хабарламада.
Мұндай ескерту Израильдің АҚШ, Ұлыбритания, Швеция, Норвегия, Франция, Нигерия, Ресей және Украинадағы елшіліктерінің сайттарында да орналастырылған.
⠀
Еске салайық, бұған дейін Израиль Ирандағы бірқатар нысандарға, соның ішінде Тегеран қаласына және Натанз ядролық орталығына жаппай соққылар жасаған болатын. Ирандық БАҚ-тың хабарлауынша, бұл шабуылдар кезінде Иран Қарулы күштері Бас штабының бастығы Мохаммад Багери мен Ислам революциясы сақшылар корпусының (КСИР) қолбасшысы Хосейн Салами қаза тапқан.
