Республикалық «Таза Қазақстан» акциясы Қарабалық кентіндегі жастарды жалғыз қалған зейнеткерлер мен тыл еңбеккерлеріне қол ұшын созуға шабыттандырды. Жастар ресурстық орталығы мен Қазақстан агротехникалық колледжінің волонтерлері осы аптаның өзінде алты үйге барып, аулаларды тазалау бойынша қайырымдылық акциясын өткізді.
«Осы шараның мақсаты – тыл еңбеккерлерінің Отан үшін жасаған жанқиярлық үлесін ерекше бағалап, оларға алғыс сезімін білдіру, сондай-ақ жастарға патриотизм, азаматтық жауапкершілік және тарихи мұраға қамқорлық тәрбиелеу», – деді Қарабалық ауданы ЖРӨ директоры Ирина Алтынникова.
Көмек көрсетілген азаматтар: Анна Пантелеевна Галкина, Мария Кузьминична Дегтева, Зинаида Александровна Приход, Нина Елисеевна Зима, Лидия Архиповна Евко және Алевтина Михайловна Гусак.
Волонтерлер зейнеткерлердің өтініштері бойынша аулаларды өткен жылғы жапырақтан тазалап, бағбандарын қопарып, көгалдарында тырма жұмыстарын жүргізді. Сондай-ақ тұрмысқа қажетті жеңіл жұмыстарға көмек көрсетіп, азық-түлік сатып алуға да жәрдемдесті.
«Бұл – біздің жалғыз қалған зейнеткерлеріміз, оларға тұрмысты өзі бір өзі жүргізу қиын. Біз тек экология мен тазалықты қамтамасыз етіп қана қоймай, қарт буынға құрмет пен қамқорлық көрсеткіміз келеді», – деді акция қатысушылары. Мұндай кездесулер жастарға өткенді тануға және қазіргі күнге деген жауапкершілікті сезінуге мүмкіндік береді.
Ең әсерлі сәт – зейнеткерлермен жылы жүзбен әңгіме өрбіту болды. Тыл еңбеккері Алевтина Гусак жас волонтерлерге алғыс айтып, оларға деген ризашылығын білдірді:
— Рахмет сіздерге, балалар. Сіздер – біздің үмітіміз. Бізді ұмытпай, көмектескендеріңізге өте қуаныштымын, — деді биыл маусымда 90 жасқа толатын Алевтина Михайловна.
Тыл еңбеккерлері осындай шаралардың маңыздылығын атап өтті, ал волонтерлер қол жеткізген нәтижемен тоқтап қалмайтынына уәде берді.
Мұндай бастамалар экологияны таза ұстаумен қатар ұрпақтар байланысын нығайтып, жастарды патриотизм мен мейірімділік рухында тәрбиелеуге қызмет етеді. «Таза Қазақстан» акциясы жалғасып жатыр, ал алда – жаңадан жасалатын ізгі істер.
