Memleket basshysy Qasym-Jomart Toqaevtyń ókimimen Qazaqstan halqy Assambleıasy tóraǵasynyń orynbasarlary aýysty, dep habarlaıdy “Adyrna” ulttyq portaly Aqordaǵa siltep.
Lýgmar Býlarov pen Iýrıı Shın óz laýazymdarynan bosatylyp, olardyń ornyna Rasýl Ahmetov pen Dmıtrıı Ostankovıch taǵaıyndaldy.
Rasýl Ahmetov — Túrkııadaǵy DATÜB (Ahyska túrikteriniń dúnıejúzilik qaýymdastyǵy) uıymynyń syrtqy saıasat jáne halyqaralyq qatynastar jónindegi prezıdent kómekshisi, sondaı-aq Qazaqstan halqy Assambleıasynyń múshesi.
Al Dmıtrıı Ostankovıch — Qazaqstandaǵy orys, slavıan jáne kazak uıymdary qaýymdastyǵy» ZTB Astana qalalyq fılıalynyń basshysy jáne Qazaqstan halqy Assambleıasy Respýblıkalyq keńesiniń múshesi.
Aıta keteıik, 20 naýryzda Prezıdent Qasym-Jomart Toqaev Qazaqstan halqy Assambleıasynyń kezekti, XXXIV sessııasyn shaqyrǵan bolatyn. Sessııa 23-24 sáýir kúnderi Astana qalasynda ótedi.
