Алматы қаласы бойынша Экономикалық тергеу департаменті Мәжілістің бұрынғы төрағасы Нұрлан Нығматулиннің ұлы – Нұржан Нұрлановқа қатысты қылмыстық істі тергеп жатыр, деп хабарлайды "Адырна" ұлттық порталы.
«Алматы қаласы бойынша ЭТД рейдерлік фактісі бойынша қылмыстық істі тергеп жатқанын растаймыз. Қылмыстық-процестік кодекстің 201-бабына сәйкес, өзге ақпарат жарияланбайды», – деп мәлімдеді Қаржылық мониторинг агенттігінің ресми өкілі Ернар Тайжан.
Еске салайық, бұған дейін Бас прокурордың орынбасары Ғалымжан Қойгелдиев Нұрлан Нығматулиннің ұлы мен інісіне – Нұржан Нұрланов пен Ерлан Нығматулинге қатысты арыздар түскенін хабарлаған болатын.
