Ақтауда «Ақтау — түркі әлемінің мәдени астанасы» деген атаумен өткен ауқымды мерекелік шара кезінде ондаған адамға жедел жәрдем қажет болған. Бұл туралы lada.kz жазды, деп хабарлайды «Адырна» тілшісі.
«Есінен тану көп болды, бір адам пышақ жарақатымен жүгінді, бір инсульт және бір жүрек ритмінің бұзылуы жағдайы тіркелді. Біздің қызметкерлер алдын ала диагноз қойып, пациенттер ауруханаға жөнелтілді»,— деді Маңғыстау облыстық жедел жәрдем станциясы.
Пышақ жарақатын алған пациентті медициналық мекеме қызметкерлері тексерістен өткізіп, кесілген жара диагнозымен көмек көрсеткеннен кейін үйіне амбулаторлық ем алуға жіберген. Ал алдын ала инсульт диагнозы қойылған пациентке "Нейроциркулярлық дистония" диагнозы қойылып, ол да тексеруден соң үйіне жіберілген.
Айта кетейік, шараға 100 мыңға жуық көрермен жиналған болатын. Шарада белгілі әнші Димаш Құдайберген өнер көрсетті.
