26 наурызда Жаңа Уренгой әуежайында Сабеттадан ұшып келген Ан-12 жүк ұшағы қону кезінде техникалық ақауға тап болды, деп хабарлайды "Адырна" ұлттық порталы ura.news-ке сілтеме жасап.
Ұшақтың сол жақ қону тірегі орнына толық бекітілмей, салдарынан әуе кемесі сол жағына қарай аударылған.
Ұшақ ұшу-қону жолағынан шығып кетіп, қар үйіндісіне соғылған.
Алдын ала мәліметтерге сәйкес, оқиға Мәскеу уақытымен 11:07-де тіркелген.
Борттағы сегіз экипаж мүшесінің барлығы аман, ешкім зардап шекпеген.
Сондай-ақ жанармайдың төгілуі тіркелмеген. Бұл ықтимал қауіптердің алдын алуға мүмкіндік берді.
