Қостанай облысында кәмелет жасына толмаған қызды зорлаған ер адам ұсталды. Бұл туралы НеМолчи қоры жазды, деп хабарлайды “Адырна” ұлттық порталы.
Мәлімет бойынша, өгей қызын Лисаков қаласының тұрғыны әрі танымал кәсіпкер зорлады деген болжам бар.
Күдікті қалалық мәслихаттың бұрынғы депутаты болуы мүмкін.
Қостанай облысы полиция департаментінің хабарлауынша, күдікті ұсталды.
"16 жасқа толмаған адамға қатысты жыныстық сипаттағы әрекеттер жасау фактісі бойынша сотқа дейінгі тергеу амалдары жүргізіліп жатыр. Қазіргі уақытта қажетті тергеу амалдары жүргізіліп отыр. Күдікті қамауға алынып, сот қамауға алу түріндегі бұлтартпау шарасына санкция берді", – делінген хабарламада.
Олар ұсталғанның "жеке ұйымның қызметкері" екенін айтты. Тергеу мүддесі үшін басқа мәліметтер жарияланбайды.
