Қанат Шарлапаев Президент көмекшісі болып тағайындалды. Бұл туралы Ақорданың баспасөз қызметі мәлім етті, деп хабарлайды “Адырна” ұлттық порталы.
Қанат Шарлапаев Құрылыс және өнеркәсіп министрі қызметінен босатылды.
“Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі болып тағайындалды, ол бұрынғы атқарған лауазымынан босатылды”, – делінген хабарламада.
Қанат Шарлапаев 2023 жылдың 4 кыркүйегінен бастап Қазақстан Республикасы өнеркәсіп және құрылыс министрі болып тағайындалған болатын. Оған дейін, 2022 жылғы ақпаннан бастап "Бәйтерек" ұлттық басқарушы холдингі" акционерлік қоғамының басқарма төрағасы қызметін атқарған.
