Астана қаласындағы №49 мектеп-гимназиясының 8-сынып оқушысы Сұлтан Ибраһим ұялы телефонды күн сәулесімен қуаттайтын құрылғы ойлап тапты, деп хабарлайды "Адырна" ұлттық порталы Астана қаласының әкімдігіне сілтеме жасап.
Сұлтан Ибраһимнің бұл жобасы экологияны қорғау мен энергетикалық ресурстарды үнемдеуге бағытталған. Құрылғы күн энергиясын электр энергиясына айналдырып, ұялы телефонды қуаттауға мүмкіндік береді. Оның жұмыс істеу принципі – күн сәулесін сіңіріп, арнайы панель арқылы электр қуатын өндіру. Бұл алынған энергия смартфонды толық зарядтауға жеткілікті.
Жас өнертапқыштың бастамасы қоршаған ортаны қорғауға, энергияны үнемдеуге және баламалы қуат көздерін пайдалануға үлкен үлес қосады.
