Экc-президенттің кенже қызы Әлия Назарбаева Мәскеуде өткен салтанатты кеште бой көрсетті, деп хабарлайды "Адырна" ұлттық порталы.
Ұзақ уақыттық үнсіздіктен кейін ол танымал нумеролог Клара Күзденбаеваның туған күнін атап өтуге шақырылған құрметті қонақтардың қатарында болды.
Күзденбаева - жүз мыңдаған жазылушысы бар танымал нумеролог.
Ол туған күнінде сыйлықтар мен гүлдерді қабылдаудан бас тартқанын ерекше атап өтті. Оның айтуынша, жаңа салық талаптарына сәйкес, мұндай тартуларды кіріс ретінде декларациялау қажет.
Әлия Назарбаева соңғы екі жылда алғаш рет көпшілік алдына шықты. Ол әлеуметтік желілерде белсенділік танытпаған еді. Ал оның соңғы жазбасы Қаңтар оқиғасына арналған болатын.
Туған күн кешіне басқа да танымал тұлғалар жиналған. Бұл туралы қазақстандық әнші Ержан Нұрғалиев әлеуметтік желіде «арнайы қонақтар – Әлия Назарбаева және басқа да танымал тұлғалар», – деп жазды.
