Германияның канцлері Олаф Шольц сайлауда жеңілгенін мойындады. Бұл туралы 23 ақпанда Euronews жазды, деп хабарлайды «Адырна» тілшісі.
Экзитпол нәтижесі бойынша Германияның Христиандық-демократиялық одағы/Баварияның Христиандық-әлеуметтік одағы блогы жеңіске жетті. Ультраоңшыл «Германия альтернативасы» екінші орында, олар өз тарихында ең жақсы көрсеткіш көрсетіп отыр.
Олаф Шольц жетекшілік ететін Германияның социал-демократиялық партиясы үшінші орында, алайда олар өте төмен нәтижеге қол жеткізді.
«Бұл – Социал-демократиялық партия үшін сайлаудағы ащы жеңіліс. Бұл жолы сайлау нәтижесі нашар болды, сондықтан мен ол үшін жауапкершілік арқалаймын. Христиан-демократиялық одағын құттықтаймын»,—деді Олаф Шольц.
Енді ХДО/ХСО коалицию жасақтауы тиіс, елдің канцлері Фридрих Мерц болуы ықтимал.
Еске салайық, жексенбі күні Германияда кезектен тыс парламенттік сайлау өткен болатын. Оған барлығы 29 саяси партия қатысты.
