Home » Jańalyqtar » «Kóne Taraz» arheologııalyq saıabaǵy ashylady

«Kóne Taraz» arheologııalyq saıabaǵy ashylady

Taraz qalasynda buryn Ortalyq bazar ornalasqan jerde mereıtoılyq saltanattar kúni respýblıkalyq mańyzy bar   tarıhı eskertkish – «Kóne Taraz» arheologııalyq saıabaǵynyń ashylýy ótedi, dep habarlady QazAqparat tilshisi Jambyl oblysy ákimdiginiń ishki saıasat basqarmasyna silteme jasap.

Eske sala keteıik, 2011 jyly Taraz Ortalyq bazary basqa jerge kóshirilip, onyń ornynda kóne Taraz qalasynyń arheologııalyq qazba jumystary bastalǵan. Jumystardy jergilikti bıýdjet qarjylandyrdy.

Arheologtar VI-XII ǵasyrlarǵa jatqyzylatyn shamamen 40 myń artefakt, ortaǵasyrlyq qamal, VIII – IX ǵasyrlardaǵy meshit, zaratýstrashyldyqtardyń mehraby, Talas ózeni kóne ańǵarynyń jaǵalaýyn, turǵyn qurylystarynyń irgetastaryn anyqtaǵan.

Qazaq handyǵynyń 550 jyldyǵy saltanattarynyń eń iri nysany bolyp tabylatyn keshen qurylysynyń jalpy quny 2,5 mlrd. teńgeni quraıdy. «Kóne Taraz» saıabaǵy aýmaǵynyń 20 gektarynda kireberis arkasy, baqylaý munarasy, Dostyq úıi men kongress-holdyń janyndaǵy etnomádenı ortalyq, etnografııalyq mýzeı, «Taraz sazdary» stelasy, sondaı-aq «Myńbulaq» saıabaǵy ornalasqan.

Arheologııalyq jumystardyń barysymen tanysatyn qonaqtardy qarsy alýǵa Qazaqstan Respýblıkasynyń mádenıet jáne sport mınıstri Arystanbek Muhamedıuly jáne oblys ákiminiń  orynbasary Erqanat Mánjýovtyń qatysýy kútilip otyr.

Keshenniń ashylý saltanatyna Qazaqstan Respýblıkasy Senaty jáne Májilis depýtattary, mınıstrler men ulttyq kompanııalardyń basshylary, qoǵamdyq qaıratkerler, shyǵarmashylyq ıntellıgenııa jáne JOO-nyń ókilderi, ardagerler, oblystyq máslıhat depýtattary shaqyrylǵan. 


Pikir jazý

Pochta jarııalanbaıdy. Tańdaýly óristi toltyryńyz *

*

x

Check Also

QARAShAI-BALQARLARDYŃ ETNOS KÚNI О́TTI

Taraz qalasynyń Dostyq úıinde «Arhyz» respýblıkalyq qoǵamdyq birlestigine qarasty «Birlik» qarashaı-balkarlardyń Jambyl fılıaly» etnomádenı birlestiginiń ...