Қазақстанның Жоғары аудиторлық палатасы орта білім беру саласын дамытуға және оның сапасын арттыруға бөлінген қаражатты пайдалану тиімділігіне аудит жүргізді. Оның нәтижесі Әлихан Смайыловтың төрағалығымен өткен отырыста қаралды, деп хабарлайды «Адырна» тілшісі.
Аудит барысында 1,1 млрд теңге сомасына қаржылық бұзушылықтар, 62,4 млрд теңгеге — қаражат пен ресурстарды тиімсіз жоспарлау және 3,2 млрд теңгені — тиімсіз пайдалану анықталды.
«Соңғы 5 жылда оқулықтарды қайта қарау салдарынан экономикалық шығындар 16 млрд теңгеден асқан. 5 жыл ішінде бағалау өлшемшарты 12 рет өзгерген, бұл орнықты бағалау жүйесінің жоқ екенін көрсетеді»,—деді Әлихан Смайылов.
