16 ақпан күні Иранның Хузестан провинциясының батысында 4,7 және 5,3 баллдық екі жер сілкінісі болды. Бұл туралы 16 ақпанда Еуропалық-Жерорта теңізі сейсмологиялық орталығы мәлімдеді, деп хабарлайды «Адырна» тілшісі.
Алғашқы 4,7 баллдық жер сілкінісі 18:48-де (Астана уақыты бойынша 23:48-де — ред.) тіркелгені анықталды. Ол халқы 329 мың адамды құрайтын Хорремабад қаласынан 73 км қашықтықта болған.
Бірнеше минуттан кейін магнитудасы 5,3 болған екінші жер сілкінісі туралы хабарланды. Құрбандар мен зардап шеккендер туралы ақпарат берілмеді.
