Қазақ радиосының сандуғашы, көрнекті диктор, Қазақстанның еңбек сіңірген артисі, Қазақстанның еңбек сіңірген қайраткері САУЫҚ ЖАҚАНОВА апайымыз 80 жасқа толды! Мерейтойыңыз құтты, ғұмыр жасыңыз ұзақ, денсаулығыңыз мықты болсын, Сауық апай!
Радиоардагері Сауық апайымыз өзінің төркін жұртындай болған "Шалқар" радиосына келіп, тікелей эфирде сұхбат берді. Ізбасар шәкірттері апайға деген жүрекжарды лебіздерін арнады.
Қазақ көркемсөз өнерінің ұсталары, дикторлар Аманжан Еңсебайұлы мен Сауық Жақанова екеуі радиодағы бүгінгі әріптестеріне ақ баталарын арнап, өз ризашылықтарын білдірді.
Қазақ радиосы мен "Шалқар" радиосына еңбегі сіңген аға-апаларымыз ортамызда аман-есен жүре беруіне, жастарының ұзақ болуына тілектеспіз біз!
