Атырау облысында жылына 144 мың тонна қант өндіретін зауыт салынады. Бұл туралы Ауыл шаруашылығы министрлігі мәлімдеді, деп хабарлайды “Адырна”.
Жоба ішкі нарықтағы қантқа деген сұранысты қанағаттандыруға бағытталған, оны "Голдбридж халықаралық компаниясы" ЖШС жүзеге асырып жатыр.
"Аталған көлемдегі қант өндіру үшін шамамен 900 000 тонна қызылша немесе қант құрағы шикізаты қажет болады", -деп жазылған хабарламада.
Инвестор атыраулық компаниямен келіссөз жүргізді, ол қант қызылшасын өсіруге дайын.
Жобаның құны – 58 млрд теңге. 200 жаңа жұмыс орны ашылады.
