Әнші Алмас Кішкенбаев ҚР Әкімшілік құқық бұзушылық туралы кодекстің 437-бабы – "Ұсақ бұзақылық" бойынша айыпталуда, деп хабарлайды "Адырна" ұлттық порталы.
Ол 3 ақпанда сот алдында жауап береді.
Журналист Михаил Козачков Telegram-арнасында әншіге 20 АЕК көлемінде айыппұл немесе 15 тәулікке қамау жазасы тағайындалуы мүмкін екенін жазды.
Айта кетейік, бұған дейін Кішкенбаевтың жасөспірімге тиіскені үшін полицияға жеткізілгені туралы ақпарат тараған еді. 17 жастағы жасөспірімнің айтуынша, шамамен 40 жастағы ер адам оған алкогольге тапсырыс беріп, кейін бірге ішуге ұсыныс жасаған. Сонымен қатар, жасөспірім әншінің әдепсіз әрекеттер жасағанын мәлімдеді.
Курьер оқиғаны ата-анасына айтып, құқық қорғау органдарына арыз түсірген. Қазіргі таңда тергеу амалдары жүргізілуде.
