Халықаралық іздеуде жүрген қазақстандық логистикалық компанияның иесі Қырғызстанда ұсталды, деп хабарлайды "Адырна" ұлттық порталы.
Көрші елдің күштік құрылымдары 40 жастағы қазақстандық кәсіпкердің ұсталғанын растады. Оны Антикор пара беру айыбы бойынша іздестірген.
Тергеу мәліметтері бойынша, күдікті шекарадан кедергісіз тауар өткізу үшін кеден қызметкерлеріне 16,5 мың доллар пара берген.
Қырғыз Республикасы ішкі істер министрлігінің ақпаратынша, қазіргі уақытта ол Бішкекте қамауда отыр. Жақын арада оны экстрадициялауы мүмкін.
