20 қаңтарда Түркістан облысының Түлкібас ауданында бірнеше жүк вагоны рельстен шығып кетті. Бұл туралы полиция басқармасының баспасөз қызметі растады, деп хабарлайды “Адырна” ұлттық порталы OTYRAR-ға сілтеме жасап.
Оқиға салдарынан зардап шеккендер мен қаза тапқандар жоқ. Қалған пойыздар штаттық режимде жұмысын жалғастырып жатыр.
«Басқа ақпарат жариялауға жатпайды. Қалпына келтіру жұмыстары жүргізіліп жатыр. Құрбандар мен зардап шеккендер жоқ», - деп хабарлады көліктегі полиция басқармасының баспасөз қызметі өкілдері.
Оқиға орнында Шымкент стансасындағы желілік полиция бөлімінің қызметкерлері жұмыс істеп жатыр. Қылмыстық іс аясында Қазақстан Республикасы Қылмыстық кодексінің 344-бабының 1-бөлігі – жол қозғалысы немесе теміржол көлігін пайдалану қауіпсіздігі ережелерін бұзу бойынша тергеу амалдары жүргізіліп жатыр.
