Депутат Ермұрат Бапиге Алматы-Пхукет рейсінде медициналық көмек көрсетілді, деп хабарлайды «Адырна» тілшісі.
Таиландқа бет алған депутаттың қан қысымы ұшу кезінде төмендеп кеткен. Оған ұшақ экипажы дереу қажет медициналық көмекті көрсеткен.
Ермұрат Бапи қазіргі таңда жағдайының жақсы екенін жеткізді.
«Уайымдайтын ештеңе жоқ»,—деді мәжілісмен.
Ол шұғыл қону туралы сөз қозғалмағанын атап өтті. Айтуынша, ұшақ кідіріссіз Пхукетке жеткен.
Еске салайық, бұған дейін Ермұрат Бапи медициналық диагностикадан өту үшін Германияға барғанын айтқан еді.
