21 желтоқсан күні сағат 04:39-да Риддер ЖЭО таспалы транспортер учаскесінде жоспарлы жөндеу-монтаждау жұмыстарын жүргізу барысында жарылыс болды, деп хабарлайды “Адырна” ұлттық порталы.
Тозаңды ауа қоспасының жарылысы салдарынан алты адам зардап шегіп, ауруханаға жатқызылды. Олардың жағдайы тұрақты деп бағаланды.
Риддердің ішкі саясат бөлімінің ақпараты бойынша, ЖЭО штаттық режимде жұмыс істеп тұр. Риддердегі сыртқы ауа температурасы - 4 градусты көрсетіп тұр.
Оқиға орнында Шығыс Қазақстан облысының әкімі Ермек Көшербаев жүр.
