СҚО-да экономикалық сотының төрағасы 15 мың АҚШ доллары сомасында пара алу кезінде ұсталған, деп хабарлайды "Адырна" ұлттық порталы.
Бұл туралы Жоғарғы соттың баспасөз қызметі мәлім етті.
"Бүгін, 2024 жылғы 19 желтоқсанда Ұлттық қауіпсіздік комитеті мен ҚР Сот әкімшілігінің Петропавл қаласы бойынша Ішкі қауіпсіздік бөлімінің бірлескен іс-шарасының нәтижесінде Солтүстік Қазақстан облысының мамандандырылған ауданаралық экономикалық сотының төрағасы Б., соттың мүдделі тұлғаның пайдасына оң шешімі үшін 15 мың АҚШ доллары сомасында ірі көлемде пара алу кезінде қылмыс үстінде ұсталды", — делінген хабарламада.
