Павлодар облысында «Майқайыңалтын» шахтасында жұмысшы техника астына түсу салдарынан қаза тапты, деп хабарлайды "Адырна" ұлттық порталы.
«Техникалық қауіпсіздік ережелерін бұзу фактісі бойынша қылмыстық іс қозғалды, салдарынан адам өліміне әкелді», - деп мәлімдеді Павлодар облыстық полиция департаментінің баспасөз қызметі.
Оқиға бойынша техниканың жүргізушісі полиция бөліміне жеткізілді. Қазіргі уақытта тергеу шаралары жүргізілуде.
Қаза тапқан жұмысшының 1992 жылы туған моторист екені хабарланып отыр.
Айта кетейік, "Майқайыңалтын" кен байыту фабрикасындағы опырылған шахта астына жұмысшылар мінген автобус құлап кеткен еді. Қызметкерлердің мүрдесі мен автобус қалдықтары бірнеше уақыттан кейін ғана табылған.
