Атырау облысында 4 жүк вагоны рельстен шығып, 2 вагон аударылып қалды, деп хабарлайды "Адырна" ұлттық порталы. Соның салдарынан жерге күкірт төгілген.
7 желтоқсанда Атырау облысының Мақат ауданында болған оқиға салдарынан жерге күкірт төгілген.
"Мақат ауданында 4 вагоны рельстен шығып, оның екеуі аударылған. Соның салдарынан вагондағы күкірт жерге шашылды. Қазір жауапты мамандарға вагондарды көтеріп, қалпына келтіруге тапсырма берілген. Атырау облыстық экология департаментінің мамандары сынама алу үшін оқиға орнына аттанып кетті", - деп хабарлады облыстық экология департаментінің баспасөз қызметі.
