Қытайдың қазаққа құйған инвестициясы өзге елдердерден әлдеқайда кем

107

Тағы да синофобиялық көңіл күй елді баурап алды. Ең жаманы, осы хайп арқылы кейбір азаматтар ел алдында өз беделдерін көтергісі келеді. Және осы жайтты сол адамдар бұрыс жолда қолданып, халық наразылығын өз пайдасына жаратуда.

Кесіп айтайын, бейбіт шеру жақсылықтың белгілісі. Азаматтық қоғам дамуда деген сөз. Өкініштісі, халық осы сәтте фейкньюсқа беріліп, әлеуметтік желідегі ақпаратты дұрыс түсінбей жүр.

Бәріміз Қытай экономикасының мықты екенін білеміз, бірақ шынайы цифрларды алсақ, олардың Қазақ еліне құйған инвестиция көлемі, басқа елдердікінен әлдеқайда кем.

Шынтуайтынына келсек, шеруге шыққан адамның көбісі қытай тауарларын тұтынушылар. Демек Трамптың Қытайға жасап отқан қысымының эффектісі әллеқайда мықтырақ. Махатма Ганди Британияны солай жеңді емес пе?

Шерушілердің көбі ел болашағы үшін жүрміз дейді. Бәрекелді. Бірақ не істесе де, желідегі жалған ақпараттың құрбандары екені анық. Ел арасында ағарту деңгейі төмен секілді.

Өтініп сұрарым, елге келер инвестицияға қарсы шықпай, басқалардың мүддесін қорғамайық, халқым.

Аман КЕНЖЕБАЙҰЛЫ

"Адырна" ұлттық порталы

Пікірлер