Кәсіпкер Дәурен Мұса ғарыш кемесін Кенесары ханның басына ауыстыратынын айтып, қоғамда пікірталас тудырды. Қазір оған іздеу жарияланған, деп хабарлайды "Адырна" ұлттық порталы Ұлысмедиаға сілтеп.
Бұл туралы ақпарат құқықтық статистика және арнайы есепке алу органдарының порталында жарияланды.
Порталдағы ақпаратта кәсіпкерді іздеуге Алматы қаласы полиция департаменті бастамашыл болған. Хабарландыру 2 күн бұрын жарияланғаны көрсетілген.
Кәсіпкер не үшін іздесітіріліп жатқаны туралы еш мәлімет жоқ.
Дәурен Мұса инстаграм желісіне бірнеше сағат бұрын ғана сторис салған. Кәсіпкер Байқоңырдағы "Боран" ғарыш кемесіне иелік ететіні туралы ақпарат шыққаннан кейін көпшілікке кеңінен тарады.
