Астанаға Ресей президенті Владимир Путин келген кезде Көкшетауда белсенділер Қазақстан мен Украинаның туымен қарсы наразылық білдірді, деп хабарлайды "Адырна" ұлттық порталы.
Көкшетауда бас көтергендер Ресей басшысының Қазақстанға келуіне қарсылық білдіріп, ту алып шыққан. Олар Путиннің кетуін талап етіп, бағағат сөз жазылған плакатты ұстаған. Ақпарат әлеуметтік желіге тарап кетті.
"Белсенділер экстремист емес тобындағы” ақпаратқа қарағанда, полиция Қазақстан мен Украина туын көтерген азаматтық белсенділер Марат Жанұзақов, Бауыржан Балташев, Уәлихан Нығметовті ұстаған. Кейіннен босатқан.
Ұсталған азаматтардың үстінен "ұсақ бұзақылық жасады" және "балағат сөз айтты" деген әкімшілік кодекстің баптары бойынша іс қозғалғаны анықталды.
