Алматы облысында мектеп маңында жол-көлік оқиғасы болып, 7 жастағы бала қаза тапты, деп хабарлайды "Адырна" ұлттық порталы.
Қайғылы жағдай "Асыл Арман" тұрғын үй кешенінің жанында орын алған.
Куәгерлердің айтуынша, мектеп жанындағы бұл орын жаяу жүргіншілерге қауіпті. Өйткені мұнда жаяу жүргіншілер өткелі мен аялдама жоқ.
Алматы облысының полиция департаментінің баспасөз қызметі хабарлағандай, оқиға 27 қарашада Иргелі ауылындағы "Асыл Арман" тұрғын үй кешенінің автотұрағында болған. JAC маркалы автобустың жүргізушісі артқа жүріп, 7 жастағы баланы қағып кеткен. Бала алған жарақаттарынан оқиға орнында қаза тапқан.
"Қазіргі уақытта сотқа дейінгі тергеу жүргізілуде. Оның нәтижелері бойынша процессуалдық шешім қабылданады", – деп атап өтті ведомство өкілдері.
