Қазақстан құрамасының бас бапкері Станислав Черчесов Ұлттар лигасының топтық кезеңінің қорытындысы бойынша өзіне "минус үш" деген баға қоя алатынын айтты. Бұл туралы ол «Матч ТВ» арнасындағы сұхбатында бөлісті, деп хабарлайды “Адырна” ұлттық порталы.
17 қараша күні Қазақстан құрамасы Норвегиядан 0:5 есебімен жеңіліп, Ұлттар лигасында бесінші рет жеңіліске ұшырады. Бір ұпаймен топтың соңғы орнын иеленген Қазақстан құрамасы В дивизионындағы орнын сақтап қала алмады. Норвегия 13 ұпаймен бірінші орын алып, А дивизионына көтерілсе, Австрия (11 ұпай) екінші, Словения (8 ұпай) үшінші орынға жайғасты.
“Нәтижені екі қырынан бағалауға болады: кесте бойынша — үштік минус. Ал ішкі жұмысты қарасақ, біз көрінбейтін, бірақ маңызды жұмыс істеп жатырмыз. Қайта құру процестері белсенді жүріп жатыр. Команданы қабылдаған кезде жеребе тарту аяқталып қойған еді, сондықтан кімдермен ойнайтынымызды білдік. Бұл туралы федерация президентімен сөйлескенде, әрине, орынды сақтап қалу және жақсы нәтиже көрсету тілегі болды. Бірақ барлық қарсыластарды жеңеміз деп сену қиын еді”, -деді Черчесов.
Сондай-ақ, ол мұндай нәтижелерден кейін өзін жұмыстан шығару қаупі туралы айтты.
«Әрдайым тәуекел бар. Мен ешқашан жағдайы керемет командаға келген емеспін. Сондықтан не күтіп тұрғанын жақсы білемін. Мен жалғыз емеспін, бапкерлер штабы бар, біз бәрін есептейміз: не болуы мүмкін, неге дайындалу керек, қалай өзгерту керек? Қолдаймын, бағалау — екілік. Бірақ ішкі жұмыс жүріп жатыр. Біз жастар құрамасынан төрт ойыншы алдық, жүйені өзгерттік, төрт қорғаушымен ойнауды бастадық, — деді Черчесов «Матч ТВ» арнасындағы «Громко» бағдарламасында.
