13 жастағы жасөспірім Қостанай облысындағы Қарабалық ауданында Тоғызақ өзенінде балық аулау кезінде суға батып кеткен, деп хабарлайды "Адырна" ұлттық порталы.
ҚР ТЖМ ақпаратына сәйкес, бала 16 қараша күні сағат 16:30 шамасында балық аулауға шыққан, бірақ үйіне оралмаған.
"Баланы іздеуге ТЖД қызметкерлері, полиция, еріктілер мен жоғалған баланың туыстары, сондай-ақ кинологиялық топтар қатысты. Жедел құтқару жұмыстарын жүргізу мен еріктілердің көмегіне қарамастан, қайғылы жағдайдан қашып құтылу мүмкін болмады. Жасөспірімнің денесі табылып, су бетіне шығарылды", – деп хабарлады ТЖМ.
Қостанай облысы Төтенше жағдайлар департаменті қайтыс болған баланың туыстары мен жақындарына терең қайғырып көңіл айтады.
Құтқарушылар балық аулау кезінде қауіпсіздік ережелерін қатаң сақтау қажеттігін еске салады. Атап айтқанда, жасөспірімдерді ересектердің бақылауынсыз су айдындарына жіберуге болмайды, әсіресе су температурасы төмен және қауіп жоғары жағдайда.
