“Қазақ аруы - 2024” байқауының өтуіне қатысты шу шығып, резонанс тудырған. Бүгін байқаудың жеңімпазы қайта белгілі болды, деп хабарлайды “Адырна” ұлттық порталы.
Байқау продюсері Баян Мақсатқызы 13 жыл бойы "Қазақ аруын" әділқазы алқасы таңдағанын, тек биыл ғана таңдау халыққа берілгенін алға тартты. Алайда бот жұмыс істемей, халық байқауды “әділ өтпеді” деп шулаған болатын.
"Қазақ аруы-2024" байқауының жеңімпазын анықтау кезінде провайдерде ақау пайда болған. Сол себепті нәтиже дұрыс шықпаған. Осы олқылықтың орнын толтыру үшін ұйымдастырушылар 16 қараша күні дауыс беруді қайта ұйымдастырды. Нәтижесінде, “Қазақ аруы - 2024” атанған Қызылордалық Ақкербез Ысқаққызы болды. Ол 15 қараша күні өткен байқауда да жеңіске жетіп, алтын тәжді иеленген еді.
