Туризм және спорт министрі Ербол Мырзабосынов ауыр атлетканың бұрынғы бас бапкері жауапкершілікке неге тартылмағанын айтты, деп хабарлайды «Адырна» ұлттық порталы.
«Жуырда «Ауыр атлетиканың бұрынғы бас бапкері Алексей Нидің бапкерліктен шеттетілді» деген ақпарат шықты. Өзі зейнет жасына жеткен адамның бапкерліктен кетуі түсінікті. Допинг қолданып, миллиардтаған ақшаны алу алаяқтық әрекет емес пе? Экс-бапкер жауапкершілікке тартылып, өтемақыны неге қайтармады?» деген сұраққа министр жауап берді.
«Бұл 2019 жылға дейінгі нәтижелер болатын. Бізде дене шынықтыру заңына қосымша бап 2019 жылы енгізілді. Егер 2019 жылдан бері қарай алып жатса, онда ол міндетті түрде қайтарар еді. Ал ол заңның алдыңғы жылдарға құзыреті жоқ», – деді ол.
