Елімізде жүк көлігін шығаратын зауыт ашылады. Бұл турады бүгін, 4 қарашада Қазақстан-Қытай дөңгелек үстелі барысында айтылды, деп хабарлайды «Адырна» тілшісі.
Зауыт Қарағанды облысының Саран қаласында салынбақ.
«Бірлескен кәсіпорын құру туралы келісімге қол қойылды. «Саран» индустриялық аймағының базасында жүк және коммерциялық техника өндіретін жаңа зауыт салынады. Жаңа кәсіпорын құру бізге қосымша 1,5 мың жұмыс орнын ашуға мүмкіндік береді. Сондай-ақ біз жаңа технологияларды аламыз, дәнекерлеу, катафорез, бояу және шағын торапты құрастыру үшін заманауи жабдықтар сатып алынады. Жас инженерлер Қытайда қолданылатын жаңа дағдыларды игеруге мүмкіндік алады», — деді бірлескен жобаның жетекшісі Арғұлан Майқонов.
