Бүгін Иранның солтүстігіндегі Гермсар қаласының маңында болған 4,6 балдық жер сілкінісі салдарынан тоғыз адам зардап шекті, деп хабарлайды «Адырна» ұлттық порталы IRNA агенттігіне сілтеме жасап.
Мәліметтерге сүйенсек, зардап шеккендердің барлығы жеңіл жарақаттар алған. Қаланың кейбір тұрғындары жарық пен интернет байланысының үзілгені туралы айтуда.
Еуропа-Жерорта теңізі сейсмологиялық орталығының мәліметі бойынша, жер сілкінісі Гермсардан солтүстік-шығысқа қарай бес шақырым жерде, 35 шақырым тереңдікте болған. Гермсарда шамамен 49,4 мың адам тұрады.
