Telegram видеоплатформа болмақ. Бұл туралы 1 қарашада Павел Дуров Telegram-ның видеоға қатысты жаңа жаңартуларын жариялады, деп хабарлайды ”Адырна” ұлттық порталы.
Ол Telegram видеоплатформа болуға алғашқы қадам жасағанын атап өтті.
“Бұған дейін каналдардағы бейнелер жүктелген форматта көрсетілетін, бұл пайдаланушылардан гигабайттарды жүктеп, қысқа клиптерді көру үшін күтуін талап ететін. Алайда бүгінгі жаңартумен Telegram серверлері танымал бейнелерді бірнеше сапа нұсқасына сығып, оларды бірден көрсету үшін оңтайландырады. Енді сіз видео көргенде,
Telegram автоматты түрде байланыс жылдамдығына негізделген ең қолайлы сапаны таңдайды", – деп жазды ол.
Telegram баспасөз қызметі жаңартулар туралы қосымша ақпарат берді. Жаңартудағы негізгі өзгерістер төмендегідей:
Новости по теме
- Жүктеуді жылдамдату;
- Видеоны көру кезінде сапаны жақсарту және жылдамдықты басқаруды жаңарту;
- Хабарламалардың соңғы өзгерту уақыты;
- Жіберілген хабарламаларға фотосуреттер мен бейнелерді тіркеу;
- Мини-қосымшалар үшін шектеулердің ұлғаюы;
- Дамытушылар үшін жаңа монетизация мүмкіндіктері және тағы басқа.
